潮人拜年送礼佳品 打破传统！

过年送礼畀亲朋戚友，係咪好伤脑筋呢？食落肚转头就消化咗嘅，彷彿太虚无，朱古力糖果咁邪恶就更加唔好食肥我啦！都係买啲实际嘢化算，尤其啲母亲辈及老人家，更要花心思凼佢哋。

拜年送礼，梗係拣啲一家大细都啱用、又襟用嘅嘢最实际！

OSIM五宝照顾全家

打正旗号家庭型嘅OSIM乘势推出「迎春五宝」，个名係有啲娘，但五宝有按摩手套、全新红色3D暖暖枕、甜梦小蒸灵、按摩皇冠3及V手背垫却又真係从头到脚照顾你。五件中以「横财就手按摩手套」最啱使，内置包覆性气囊按摩有助纾缓双手压力及手指肌肉僵硬情况，无论係打得麻将多定揸得Mouse多，闲时都可揼一揼。

「横财就手OSIM按摩手套」优惠价HK$1,088 （原价HK$1,280）

另外一宝「鸿运当头按摩皇冠3」就最啱老人家同成日嗌头痛嘅阿妈，成顶帽咁款嘅按摩器，结合气压按摩及振动按摩，能针对多个主要穴位如百会穴、阳白穴、太阳穴和风池穴进行按压头部及颈部，配合温热功能及音乐装置，按完就可以脑轻鬆，压力拜拜。

「鸿运当头OSIM按摩皇冠3」优惠价HK$1,888 （原价HK$2,180）

姆明家品潮气十足

CHOCOOLATE联乘姆明（MOOMIN）其实非首次，但双方家长今次除咗出衣饰，还有备受注目嘅姆明咕?套，有红、蓝两色任择；焦点所在嘅亚美造型手挽袋特别喺细节位加上立体效果，送畀年轻夫妻或潮人朋友就最啱。喺专门店购物满指定金额更有套装陶瓷杯送?。

CHOCOOLATE×MOOMIN咕?套MOP 309

CHOCOOLATE×MOOMIN亚美造型手挽袋MOP 369

生肖系列最后一击

查实瑞士品牌Swatch由狗年开始，每年都喺农曆年期间推出一款生肖特别版手錶，嚟紧嘅鸡年就係生肖系列第12只，亦即係最后一只，储开就咪错过嘞！鸡年呢只「ROCKING ROOSTER」以中国剪纸艺术为主题，红色公鸡在金色錶盘上相当耀眼，玩味十足，特别版圆筒形包装更附有利是封两个。

Swatch鸡年「ROCKING ROOSTER」MOP 700

Swatch嘅特别版包装向来落足本。